قصيدة باسمي

هذي قصيدة وجدتها في أحد المنتديات أعجبتني لشاعر اسمه ممدوح
و القصيدة تتكلم عن وحده اسمها أموله يعني أمل
لكن القصيدة مكتوبه بدلعها

و إليكم القصيدة و يارب تعجبكم و ياحظ كل اللي اسمهم أمل
و الظاهر بأغير اسمي و أخليه أمل أحسن
عاد اسمي شين و قديم من أسماء العجايز
يالله إنك تعين :

هذي القصيدة للشاعر ممدوح :

مـرت تجـر العطـر والثقل والزين
وانـا مثـل كل الشـباب وقــفــوا لـه

عطره يذر العطر على البساتيـــن
ثقله يسولف عن نسب عن حموله

فستانها ذايب بخصره من اللــــــــين
وخصـره من الفستان ياخـذ عمـولـه

عزالله اني حاسدك يالفساتـــــــــــين
ياحظـك بخصـره بعـرضه بطولـه

بعيونها سيوف العرب يوم حطــــين
منها النفـاذ ( بـجلـد قلبـك ) بطولـه

اقـفـت وانا عيني عليها لهالحـــــين
مـالـوم عـيـنـي ( يـاخذ العـقـل ) زولـه

وناديتها ( يامترفه ) وبطرف عـــــين
قالت:انـا قـلـت ايــه قالت : أمـــولــه

أمـــولــه ميّة مـرحـبا قالت: اهلــــــين
أمـــولــه عـنـدي بـيـت ممـكن اقــوله ؟

قالت لي قوله قلت الانسان من طـين
اما انك انـتي طين ماهي امْعقوله

انـتـي اظنك بالعـطـر تستحـمــــــــين
واجــزم بـانـك بـالجمال امْـغـســوله

شوفي شكل شفايفك قاهر التـــــــــين
والجمـر يكوي والثمان امْعسوله

أمـــولــه انـتـي غــير كل المـزايــــيـن
انـتـي مثـل فصــل الربـيــع وحـلوله

قالت: مـنـيـن؟ وقلت له يعني منــين
مـاتـعـرفـيـن اللـي ذبـل مـن ذبـولـه

قالت وشسمك بس تمتمت( ميمــين )
وآخر ثلاث حروف ( دوح ) امْغـيوله

قالت معي للقاهره قلت له ويـــــــــن
عـادي تـقـول القـاهـره بـكـل سهـوله

( امـــوله ) انا رجال بلشان بالديـــــــن
ويـنـي وويـن القـاهـره ( يامْهـبوله )

اقسـاط وحســابـات والـراتـب الفــين
وحـزمـة مشـاكل اتـعـبـتـني حلـولــه

أمـــولــه روحـي لازم انـتـي تـروحـيـن
انـتـي المـطـار مصـاحـبـك مـن طـفـوله

تـذكريـنـي عـنـد الاهـرام تـكفــــــيـن
تــذكـري حـال الـنــحـيـل ونـحــوله

أمـــولــه انـتـي تـذكـره لاتـحـجـزيــن
روحــي كـــذا تـسـتـقـبـلك اي دوله

ابيات روعه ....