حفرة من النار

نقسم الشاشة نصفين من تاني، بعد ما نزلت القبر واهلك سابوك وجالك الملكين..

النبي صلى الله عليه وسلم بيرسم المشهد بكلامه، يقول صلى الله عليه وسلم: "ويأتيه ملكان فيجلسانه فيقولان له من ربك؟" ده أول سؤال، مش بسيط زي ما إنت فاكر، الي بيجاوب مش لسانك.. من ربك؟ إنت عشت بتعبد مين؟ في واحد عاش للشغل والفلوس، تقوله يمين يمين، شمال شمال، مش مهم ربنا قال له ده حرام ولا حلال، عاش عبد ليهم، في واحد عاش بيعبد المعاصي وشهواته، المخدرات والبنات الذي منه، هي ربه، الى بتحركه وتوجهه.. إنت بقه، من ربك!!!؟ "فيقول هاه هاه لا أدري"، تخيل العجز..

"فيقولان له ما دينك فيقول هاه هاه لا أدري".. صحيح دينك اخباره إيه؟ ساعات الناس تفتكر عشان أنا مسلم في البطاقة فخلاص، إنما الموضوع طلع اكبر من كده، فين الدين في حياتك؟ فين الدين في اخلاقك وعباداتك؟ هل الدين هو الى بتوزن بيه إختياراتك؟ هتربي ولادك على إيه.. هتجاوب تقول إيه؟..

"فيقولان له ما هذا الرجل الذي بعث فيكم فيقول هاه هاه لا أدري".. كلنا بنحب النبى صلى الله عليه وسلم أكيد، بس في واحد حبه باللسان وخلاص، شكله ولبسه وأخلاقه بيقوله إنه ملوش دعوة بيه، هل إنت كده؟ سنته في حياتك؟ ولا أخرك لما حد يقول اسمه بتصلي عليه؟

"فينادي مناد من السماء أن كذب عبدي فأفرشوه من النار وافتحوا له بابا إلى النار فيأتيه من حرها وسمومها ويضيق عليه قبره حتى تختلف أضلاعه".. أول العذاب وبداية العقاب.. ضمة القبر، هو العاصي متوقع ايه غير كده؟..

"ويأتيه رجل قبيح الوجه قبيح الثياب منتن الريح.. فيقول أنا عملك الخبيث", الذنوب، المعاصي، الشهوات، جت قدامك.. شايفها على حقيقيتها؟ ندمان؟ خايف من القبر والعذاب؟.. "فيقول رب لا تقم الساعة" هيقول بلاش يا رب القيامة تيجي، أكيد الى جي أسوأ

سلمت يداك علي الموضوع

يعطيك العافية علي الانتقاء

لك كل الشكر والتقدير

احترامي

» قصة مبكيه لطفل انقذ امراة من النار‎
» لماذا أكثر أهل النار من النساء ، وفيهن العابدات والصالحات ؟